शिवशक्ती टाइम्स न्यूज online news portal
Related Articles
वनविभागाने पकडला अवैध वृक्ष तोडीचा ट्रक
चाळीसगाव शिवशक्ती टाइम्स न्यूज – तालुक्यातील तांबोळे येथील शेतातून विनापरवाना वृक्षतोड करून मालेगाव कडे लाकडे वाहून नेणारा मिनी ट्रक वनविभागाच्या कर्मचारी यांनी दि 30 रोजी सायंकाळी 7 वाजेच्या सुमारास तालुक्यातील खडकी बायपास जवळ पकडला असून चाळीसगाव प्रादेशिक वनविभागात ट्रक चालकाविरोधात गुन्हा दाखल करण्यात आला आहे.
दि 30 रोजी सायंकाळी 7 वाजेच्या सुमारास वनविभाग प्रादेशिक चे नाकेदार संजय जाधव हे गस्तीवर असताना त्यांना खडकी बायपास वर मिनी ट्रक क्र MH 18 M 5378 हा मालेगाव कडे संशयित रित्या जात असल्याने त्यांनी लागलीच ट्रॅक थांबवून चौकशी केली असता त्यात बाभूळ व लिंबाची लाकडे भरलेली होती अधिक चौकशी केल्यावर सदर लाकडे ही तांबोळे येथील शेतकरी यांच्या शेतातील असून ती विना परवाना तोडून वाहतूक करून 4 घनमीटर लाकुड मालेगाव येथे नेत असल्याची माहिती ट्रक चालक मोहम्मद इब्राहिम मोहम्मद मुनीर रा मालेगाव याने दिल्यावर ट्रक वनविभागाच्या कार्यालयात लावून चालकवर वन गुन्हा 05/2020 भारतीय वनअधिनियम 1947 चे कलम 41, 2 ब प्रमाणे गुन्हा दाखल केला असून तपास नाकेदार संजय जाधव करीत आहेत तर व्यापाऱ्या चा शोध वनविभागाकडून सुरू आहे.
