Breaking News

हाथरसमध्ये नक्की काय घडलं ते सांगा ’; वरिष्ठ अधिकाऱ्यांना मे.अलाहाबाद उच्च न्यायालयाची नोटीस….

शिवशक्ती टाइम्स न्यूज

उत्तर प्रदेशमधील हाथरस येथे तरुणीवर बलात्कार करुन तिची हत्या करण्यात आल्याच्या प्रकरणावरुन आता मे.अलाहाबाद उच्च न्यायालयाच्या लखनऊ खंडपीठाने सरकारच्या वरीष्ठ अधिकाऱ्यांना नोटीस पाठवली आहे. न्या. राजन रॉय आणि जसप्रीत सिंग यांनी उत्तर प्रदेशचे अतिरिक्त मुख्य सचिव, उत्तर प्रदेशचे पोलीस महासंचालक आणि अतिरिक्त पोलीस महासंचालक यांना १२ ऑक्टोबर रोजी मे.न्यायालयात हजर राहून या प्रकरणासंदर्भातील माहिती देण्याचे आदेश दिले आहेत. १४ सप्टेंबर रोजी घडलेल्या या घटनेसंदर्भात मे.अलाहाबाद उच्च न्यायालयाच्या खंडपीठाने स्वतःहून याचिका
(सुमोटो)  दाखल करुन घेतली. यावेळी मे.न्यायालयाने हाथरसच्या जिल्हाधिकाऱ्यांनी आणि वरिष्ठ पोलीस अधिक्षकांनाही हजर राहण्याचे आदेश दिले आहेत. हाथरसमध्ये नक्की काय घडलं यासंदर्भात पोलिसांकडे असणारे सर्व पुरावे आणि कागदपत्र घेऊन अधिकाऱ्यांनी मे. न्यायालयासमोर हजर रहावे आणि यासंदर्भातील माहिती पुराव्यानिशी मे.न्यायालयाला द्यावी असंही खंडपीठाने नोटीसमध्ये म्हटलं आहे. पीडित तरुणीवर १४ सप्टेंबर रोजी चार जणांनी बलात्कार केल्याचा आरोप आहे. पीडित तरुणीचा दिल्लीतील सफदरजंग रुग्णालयात मृत्यू झाला. तिचे पार्थिव घरी घेऊन जाण्याची कुटुंबीयांची मागणी धुडकावून पोलिसांनी मध्यरात्री तिच्यावर अंत्यसंस्कार केले. या प्रकरणाचे देशभरात तीव्र पडसाद उमटत असतानाच मे.अलाहाबाद उच्च न्यायालयाच्या या कारवाईमुळे आता पोलिसांना मे. न्यायालयासमोर हे सर्व प्रकरण सविस्तरपणे मांडावे लागणार आहे.

About Shivshakti Times

Check Also

संभाजी भिडे मालेगावी होणाऱ्या कार्यक्रमास परवानगी नाकारण्याबाबत निवेदन- राहुल भाईजी पवार

संभाजी भिडे मालेगावी होणाऱ्या कार्यक्रमास परवानगी नाकारण्याबाबत उपविभागीय अधिकारी यांना निवेदन- राहुल भाईजी पवार शिवशक्ती …

वाहतुक नियमांकडे दुर्लक्ष करणे महागडे ठरणार

वाहतुक नियमांकडे दुर्लक्ष करणे महागडे ठरणार शिवशक्ती टाइम्स न्युज – (प्रतिनिधी युसूफ पठाण) यापुढे वाहतूक …

‘दिव्य काशी, भव्य काशी ‘ निमित्ताने भाजपा तर्फे स्मशान मारुती येथे साधू संताचे पूजन

‘दिव्य काशी, भव्य काशी ‘ निमित्ताने भाजपा तर्फे स्मशान मारुती येथे साधू संताचे पूजन शिवशक्ती …

Leave a Reply

Your email address will not be published.