Breaking News

शहीद जवान मनोराज सोनवणे अनंतात विलीन

मानके या मुळ गावी शासकीय इतमामात अंत्यसंस्कार

मुख्य संपादक – जयेश रंगनाथ सोनार (दाभाडे)

मालेगाव, दि. 31 (उमाका वृत्तसेवा):- भारतीय लष्करातील 21 पॅराट्रूप स्पेशल फोर्स मध्ये कार्यरत असलेले शहीद जवान मनोराज शिवाजी सोनवणे हे अरुणाचल प्रदेशात देशाच्या सीमेवर कर्तव्य बजावत असतांना तेथील उंच प्रदेशातील प्रतिकुल वातावरणामुळे त्यांची प्रकृती बिघडली होती. लष्कराच्या रुग्णालयात त्यांच्यावर उपचार सुरू असतांना शुक्रवारी त्यांची प्राणज्योत मालवली. शहीद जवान मनोराज शिवाजी सोनवणे यांच्यावर सायंकाळी 06:00 वाजता त्यांच्या मुळगावी मानके पोस्ट चिखलओहोळ ता.मालेगांव जिल्हा नाशिक येथे शासकीय इतमामात अंत्यसंस्कार करण्यात आले.

यावेळी राज्याचे कृषी तथा माजी सैनिक कल्याण मंत्री दादाजी भुसे, अपर पोलीस अधिक्षक चंद्रकांत खांडवी, उपमहापौर निलेश आहेर, महानगरपालिकेचे स्थायी समिती सभापती राजाराम जाधव, पंचायत समितीच्या सभापती सुवर्णा देसाई, तहसिलदार चंद्रजित राजपूत, गट विकास अधिकारी जितेंद्र देवरे, कृषी उत्पन्न बाजार समितीचे उपसभापती सुनिल देवरे, यांच्यासह गावकऱ्यांनी मोठ्या संख्येने उपस्थित राहून शहीद जवान मनोराज सोनवणे यांना श्रध्दांजली वाहिली.

सैन्यदलाचे दोन मेजर, एक ज्युनिअर कमिशन ऑफीसर आणि बारा जवान यांनी मानवंदना देऊन पुष्पचक्र अर्पण केले. राज्य शासनाच्या वतीने कृषी तथा माजी सैनिक कल्याण मंत्री दादाजी भुसे, तर जिल्हा प्रशासनाच्या वतीने अपर पोलीस अधिक्षक चंद्रकांत खांडवी, तहसिलदार चंद्रजित राजपूत तर सैनिक कल्याण कार्यालयाच्या वतीने सहायक जिल्हा सैनिक कल्याण अधिकारी अविनाश रसाळ यांनी पुष्पचक्र अर्पण केले.

तालुक्यातील मानके या गावचे मुळ रहिवासी मनोराज सोनवणे हे 16 वर्षापासून भारतीय लष्कारातील 21 पॅराट्रप या स्पेशल फोर्स मध्ये कमांडो पदावर कार्यरत होते. त्यांच्या पश्चात आई, वडील, भाऊ, पत्नि जयश्री सोनवणे, मुलगा तुषार सोनवणे, मुलगी तनू सोनवणे असा परिवार आहे.

त्यांचे पार्थिव मानके येथे आणल्यानंतर तेथे लष्कराच्या वतीने त्यांना मानवंदना देण्यात आली. शनिवारी मानके गाव व पंचक्रोशीतील तसेच तालुक्यातील नागरिकांनी मोठ्या प्रमाणात उपस्थित राहून आपल्या परिसरातील लाडक्या जवानाला भावपूर्ण निरोप दिला. यावेळी गावकऱ्यांनी ‘भारत माता की जय’ ‘अमर रहे’ यासारख्या घोषणा देऊन शहीद जवानाला सायंकाळी 06:00 वाजता अखेरचा निरोप दिला.

About Shivshakti Times

Check Also

कोरोना काळात के.बी.एच.च्या विद्यार्थ्यांचे अनोखे उतरदायीत्व!

 आनंद प्रसाद या सामाजिक कार्याला  ५२,०००/-  रुपयांची आर्थिक मदत शिवशक्ती टाइम्स न्यूज- उपसंपादक आनंद दाभाडे …

राज्यातील पत्रकारांना तातडीने लस देण्यात यावी मंत्री छगन भुजबळ यांची मुख्यमंत्र्यांना पत्राद्वारे मागणी

पत्रकारांना फ्रंटलाईन वर्कर्सचा दर्जा देऊन त्यांचे लसीकरण करणे गरजेचे-छगन भुजबळ शिवशक्ती टाइम्स न्यूज (प्रतिनिधी-युसूफ पठाण …

तिसऱ्या लाटेत बालकांना धोक्याची शक्यता अधिक असल्याने नियोजन करावे – पालकमंत्री छगन भुजबळ

रुग्णसंख्या कमी करण्यासाठी लोकप्रतिनिधींचे योगदान महत्वाचे: पालकमंत्री छगन भुजबळ शिवशक्ती टाइम्स न्यूज –प्रतिनिधी युसूफ पठाण …

Leave a Reply

Your email address will not be published. Required fields are marked *